Libra nga fusha e Ekonomisë Afariste

 Tregjet dhe Institucionet Financiare

Titulli: Tregjet dhe Institucionet Financiare
Autori: Federic S. Mishkin- Stenly G.Eakins
Viti i botimit: 2008

Sigurisht, keni dëgjuar se tregu i obligacioneve po shënon ngritje të shpejta. A do të thotë kjo se kanë për të rënë normat e kamatës, prandaj ndërmarrja juaj e vogël mund ta blejë më lehtë se përpara sistemin e ri kompjuterik? A do të mëkëmbet ekonomia në të ardhmen, a ka ardhur koha e duhur për të ndërtuar një godinë të re ose për të zgjeruar ndërtesën që ekziston? Libri jua jep përgjigjet për këto pyetje, duke shqyrtuar sesi funksionojnë tregjet financiare.
Download / Shkarko

 Afarizmi në Tregtinë e Jashtme
 

Titulli: Afarizmi në Tregtinë e Jashtme
Autori: Ivo Andrijaniq
Viti i Botimit: 2008

Organizimi racional dhe bashkëkohor i veprimtarisë së tregtisë së jashtme në shtet dhe jashtë shtetit është parakusht i
rëndësishëm për paraqitjen e suksesshme dhe për afarizëm në tregun botëror. Mirëpo, faktori më i rëndësishëm i krijimit
dhe realizimit të suksesshëm dhe kualitativ të punëve në tregtinë e jashtme është aftësimi profesional i personelit për
punë në qarkullimin e jashtëm, ngase nga kualiteti i tyre profesional, moral dhe i punës drejtpërdrejt varen efektet e përgjithshme
të shkëmbimit të mallit me botën e jashtme edhe nga këndvësh­trimi i ndërmarrjes, edhe i zhvillimit ekonomik në përgjithësi.
Download / Shkarko

 Vendimmarrja Afariste
 

Titulli: Vendimmarrja Afariste
Autori; Pere Sikavica, Borna Bebek, Hrvoje Skoko, Darko Tiporoc
Viti i botimit: 2008

Marrja e vendimeve, gjegjësisht vendimmarrja është e vjetër sa edhe shoqëria njerëzore, gjegjësisht njeriu. Çdo aktivitet njerëzor është pasojë e ndonjë procesi të mëparshëm të vendimmarrjes, apo është ai vetë vendimmarrje. Pra, gjithçka që bëjmë sot, në një çast të caktuar, gjegjësisht tani ose është vendimmarrje ose realizim (implementim)  i procesit të mëparshëm të vendimmarrjes.
 Download / Shkarko

 Komunikimet Afariste
 

Titulli: Komunikimet Afariste
Autori: Michael J. Rouse- Sandra Rouse
Viti i botimit: 2008

Komunikimi është gjithçka. Kjo deklaratë mund të duket si tepër kryeneçe, mirëpo filloni të mendoni lidhur me të. Shumica e nevojave tona dhe vërtetë gjithçka që na bën të jemi njerëz e ka në rrënjën e vet komunikimin. Nevoja njerëzore për afërsi dhe dashuri paraqitet si rezultat i komunikimit, për shembull ndërmjet prindërve dhe fëmijës. Kujdesin e shprehin me fjalë dhe me vepra. Jemi socializuar dhe edukuar nëpërmjet procesit të komunikimit.
 Download / Shkarko

 Ndërmarrësia
 

Titulli: Ndërmarrësia
Autori: Djuro Horvat- Zeljko Tintor
Viti i botimit  :2008

Ndërmarrësia është e vjetër aq sa edhe shoqëria njerëzore, kurse nocionet ndërmarrës dhe ndërmarrësi sot i shfrytëzojmë për çdo ditë në teori dhe praktikë si sinonime të zhvillimit të gjithëmbarshëm, e posaçërisht të zhvillimit ekonomik. Ndërmarrësia është proces krijues i ndryshimeve të pandërprera, i përpjekjeve që çdo gjë të bëhet në mënyrë tjetër, më të mirë dhe më të efektshme, kurse ndërmarrësit janë individë të gatshëm që me rrezikun e vet, me aplikimin e ideve të reja të ndërmarrin dhe realizojnë projekte ekonomike fitimprurëse.
  Download / Shkarko

  Bazat e Marketingut
 

Titulli: Bazat e Marketingut
Autori: Marcel Meler
Viti i botimit: 2008

Koncepcioni tradicional i marketingut  ka bërë që të bëhen ndryshime që të mos shiten shumë prodhime, por që prodhimet tu shiten një numri sa më të madh të konsumatorëve. Koncepti i ri i marketingut bazohet në përparimin e pandërprerë të njohurive të konsumatorëve në raport me  rregullën “vlera për para” për prodhimet e subjektit ekonomik, në mënyrë që subjekti ekonomik fokusohet  në maksimalizimin e vlerave të tij.
 Download / Shkarko

 Menaxhmenti në Ekonominë e Vogël
 

Titulli: Menaxhmenti në Ekonominë e Vogël
Autori: Duro Horvat- Marinko Hovacic
Viti i botimit: 2007

Suksesi dhe ekzistenca e ndërmarrjeve të vogla në një mjedis turbulent lidhen me menaxhmentin që përpiqet t’i realizojë me sukses qëllimet e biznesit. Shfrytëzimi i shkencës dhe i të arriturave të saj është një imperativ për një efektivitet të menaxhmentit, ndërsa si bartës i dijes së menaxhimit të subjekteve të vogla ekonomike është një faktor nxitës që siguron ekzistencën dhe zhvillimin.
 Download / Shkarko

 Statistika e aplikuar në Excel
 

Titulli: Statistika e aplikuar në Excel
Autori: Milan Papiq
Viti i botimit: 2007

Statistika është disiplinë shkencore që  i qaset në mënyrë të organizuar grumbullimit, seleksionimit, grupimit, prezantimit dhe  analizës së  informatave dhe të dhënave, si dhe interpretimit të rezultateve të analizës së zbatuar, e më qëllim  të realizimit të  qëllimeve të parashtruara hulumtuese. Që  të realizohen  detyrat dhe  qëllimet  e  cekura  më parë,  statistika kërkon  instrumentet e veta:  metodat dhe teknikat statistikore.
Download / Shkarko

 Doracak Matematiko-Statistikor për sipërmarrës
 

Titulli: Doracak Matematiko-Statistikor për sipërmarrës
Autori: Milan Vukicevic – Milan Papiq
Viti i botimit: 2007

Praktika dëshmon se metodat matematikore dhe statistikore janë jashtëzakonisht të rëndësishme për zgjidhjen e problemeve afariste të ndërmarrësve, të cilët për çdo ditë hasin numra dhe raporte midis tyre. Të gjitha blerjet dhe shitjet, pagesat dhe inkasimet, prodhimet dhe lënda e parë, stoqet, të ardhurat, shpenzimet, fitimet dhe pagat etj. – të gjitha shprehen përmes numrave (me sasinë ose kuantitetin e diçkaje). Të gjithë ata numra janë shprehje e disa madhësive ekonomike e financiare dhe në disa raporte reciproke.
 Download / Shkarko

 Kontrollingu
 

Titulli: Kontrollingu
Autori: Nixhara Osmanagiq Bedenik
Viti i botimit: 2006

Gjatë njëzet viteve të fundit kontrollingu është një prej temave më së shpeshti të trajtuara në kuadër të ekonomisë afariste. Zanafilla dhe zhvillimi i vet kontrollingut i referohet karakteristikave dhe nevojave të praktikës së udhëheqjes (qeverisjes) afariste; sot ai paraqet një prej funksioneve më të rëndësishme në zgjidhjen e problemeve konkrete të përshtatjes së brendshme dhe të jashtme të ndërmarrjeve ndaj ndryshimeve të ardhshme. Ndryshimi global i raporteve ndërmjet ofertës dhe kërkesës ka shkaktuar probleme të reja për menaxhmentin.
  Download / Shkarko

 Informatika Afariste për Ekonomistë
 

Titulli: Informatika Afariste për Ekonomistë
Autori: Dr. Zhelko Panian
Viti i botimit: 2006

Në prezantimin e zanafillës së informatikës do të sqarohen rrethanat historike dhe tendencat zhvillimore brenda shkencave të cilat, përfundimisht, sollën edhe deri te formësimi i tyre teorik si disiplina shkencore, si dhe të afirmimit praktik të mjeteve dhe metodave të tyre. Në shqyrtimet e problematikës së sistemeve informatike do të jetë, nën një, sqarimi i nocionit të sistemit informatikë, ashtu që më pastaj të përcaktohen dhe sqarohen komponentët e tij vepruese.
 Download / Shkarko

 Bazat e së Drejtës Tregtare Statusore dhe Kontraktuese
 

Titulli: Bazat e së Drejtës Tregtare Statusore dhe Kontraktuese
Autori: Vilim Gorenc
Viti i botimit: 2006

Në të drejtën tregtare, në kuptimin e gjerë, i kemi përfshirë edhe  institutet siç janë: kambiali, çeku dhe letrat me vlerë, përgjithësisht dispozitat materiale – juridike mbi falimentimin ose likuidimin, problematika materiale - juridike e arbitrazhit etj., veçmas në situatat  e mungesës së të drejtës ekonomike dhe dispozitave për mbrojtjen e pronësisë industriale, garës jo lojale, legjislacionit antitrust etj. Pa to e drejta tregtare nuk do të kishte ambientin e vet të veprimit.
  Download / Shkarko

 Bazat e Ekonomisë
 

Titulli: Bazat e Ekonomisë
Autori: Svetislav Polovina- Gjuro Sh. Mediq
Viti i botimit: 2006

Ndonëse edhe Aristoteli kishte bërë fjalë për tregtinë, ekonomia si disiplinë shkencore paraqitet kah mesi i shekullit të XVIII-të  dhe është e vjetër mbi dy shekuj. Si shkathtësi praktike ekonomia paraqitet që në fillim të zhvillimit të bashkësisë njerëzore, ndërkaq një zhvillim më të hovshëm e shënoi në kohën kur njerëzit filluan të prodhojnë sasitë e para të produkteve përtej nevojave të tyre të domosdoshme. Edhe pse sot jetojmë në shtete të organizuara në mënyrë bashkëkohore, deri në ditët e sotme janë bërë fare pak ndryshime në esencën e marrëdhënieve ekonomike.
  Download / Shkarko