Kolegji VICTORY | Departamenti për punësim

DEPARTAMENTI PËR PUNËSIM DHE AVANCIM TË KUADROVE

(CAREER CENTER)

Departamenti për Punësimin dhe avancimin e kuadrove punon kryesisht me qëllim të krijimit të qasjes së studentëve tek punëdhënsit potencial.

Veç të tjerash Departamenti në fjalë ofron këto shërbime:

Hulumtimi mbi përgatitjen profesionale të studentëve – Në këtë aspekt është përpiluar një pyetësor nga Departamenti i Punësimit me mëse 13 pyetje me qëllim të identifikimit të fushës së karrierës të cilën studentët e preferojnë, pyetësori është realizuar me shumicën e studenteve te Kolegjit “Victory.” Nga ky pyetësor janë nxjerr statistika te vlefshme në lidhje me funksionimin e departamentit tonë.

Tabela për Mundësi Punësimi – Ekziston tabela për mundësi punësimi (Bulletin Board), në të cilën për studentët paraqiten shpalljet e vendeve të punës të hapura, tabela freskohet çdo javë dhe minimum 5 vende të lira pune paraqiten në të. Hulumtohet në lidhje me konkurset për punë në shtypin ditor dhe faqet e internetit, të cilat vende pune u dërgohen studentëve, po ashtu me e-mail.

Trajnim për përpilimin e CV – Për të qenë sa më profesional në paraqitjen tek punëdhënësit potencial, ne u mbajmë trajnime studentëve, në lidhje me përpilimin e CV profesionale, trajnimi zgjat dy javë dhe është i hapur për të gjithë studentët.

Trajnime për paraqitje profesionale në intervista punësimi– Këto ligjërata janë të hapura për të gjithë studentët, në varësi nga nevoja e tyre, për të cilën duhet të paralajmërohet paraprakisht.

Marrëveshje me punëdhënësit potencial–Departamenti për Punësim punon në krijimin e marrëdhënieve bilaterale mes universitetit tonë dhe punëdhënësve potencial. Marrëveshje të tilla universiteti ka nënshkruar me disa punëdhënës shumë prestigjioz në vend përfshirë bankat, zyret diplomatike si dhe kompani të suksesshme.